Zu Risiken und Nebenwirkungen lesen Sie unsere Webseite oder fragen Sie Ihren Modellbahnhändler oder Partner.

Kurzschluss 2014

Kurzschluss und de Santi Claus

Verby isch scho wieder e ganzes Johr
s’got immer schnäller - kunts mir vor
wo mir do sin zämmegsässe
und gmietlig hän e Raclett gässe.  

Walti der Grosse und der Stolze
het der ganz Obe Chäs verschmolze
är losst Chäs dure - me als e Ganze
gsesch es mir a – lueg uf my Ranze.  

In unserem Ysebahn – Modällbahnhuus
drait sich eigentlig alles um’e Muus
mit Chäs wo stinggt wie alti Sogge
möchte me die in e’Falle logge.  

D’Falle stoht als näbe de Schiene
und d’Muus wot eifach nid dört yne
d’Falle die bliybt immer still
will unseri Bahnmuus nur uf de Schiene laufe will.  

Doch die Muus, die isch nid blöd
und findet s’Läbe au gar nid öd
denn sie isch jetzt do nümm e lei
es isch no’ne zweiti Muus by uns dehai.

Die gseht zwar e bitzeli anderscht us
und lauft elektrisch - kunsch jetzt drus
die hänggt am Computer und schaltet Weiche
und mues nie go schysse und nie go seiche.  

Und unseri Huusmuus die isch ganz verliebt
isch yversüchtig wenn öpper die Ander am Compi umeschiebt
und dänggt als am Mittwoch – gönnt doch jetzt hei
denn bin ich wieder mit my Müsli ellei.  

Kum sin mir duss, goht’s los mit Charm
vom Walti syne Finger isch s Müsli no warm
und d Huusmuus die duet den geil frohlogge
und sofort uf s’Computermüüsli uffehogge. 

Dr Computer losst jetzt unseri Loggene fahre
und bald uf de Strosse - au jede Kahre
die Inovation isch toll und s Müsli duet lache
jetzt ka ich halt z’Nacht Compiutersex mache.  

Ihr kennet alli dr Strübi-Oli
dä het e Idee - e wundervolli
am Samschtig träffe mir uns in der Nöchi vo Bade
und köhn dört go Schiene uf dr Ahänger lade.

Denn jetzt wird’s grösser - und em Walti syni Narre
die dörfe am Dorffescht au Ysebahn fahre
Gleis, Weiche und Zubehör dörfe mir ha
jetzt fot au bi uns s’5-Zoll-Läbe a.  

Dr anderi Olli duet Balke versage
macht Klötz wo me d’Gleis druf ka ablade
dr Walti schloht sich geischtig mit Pi umenand
und berächnet der Radius und sy Quadrant.  

Dr Hösi studiert am ene Reglemänt umenand
und nimmt e spitzigs Bleistift in d’Hand
Ich schieb jetzt e Briefig – du muesch nid lache
wo alli 5-Zoll-Loggifiehrer mien mache.  

Do muesch den yebe – d’Frooge sind schwär
wo kunnt zum Biispiel s’Wort Dampf den här,
do keisch den duure ohni z’muhle
wen’d schrybsch das isch e Übernahme vo der Schwule.  

Do muesch au wüsse was isch e Prellbock genau
das isch nämlig kei Freier wo nit zahlt by dr Frau
dass isch e Balke wo wenn d’Brämsi floppt
sofort alli Puffer stoppt.

Jetzt mache mir den öffentliche Verkehr
mit däne tolle Gleis isch das nid schwer
dr Heinz het au no e gueti Idee
und mäldet dr Club a bim VPOD.  

Claus du kensch dr Oli, unsere hinggende Ma
dä fot jetzt nomol ganz vo vorne a
dä wir jetzt Stift by Stadler-Rail
Ich find das oberaffegeil.  

Für dr Cub isch das e riese Seich
dr Kassier Peter isch scho ganz bleich
dr Marco zahlt jetzt – und Peter erschrak
ab em Summer nur no dr Lehrlingsbytrag.  

Das het Club-Statistk e Bitz beyflusst ka
will mer jetzt weniger Gäld wärde ha
und Altespyramide die stigt minim
will wieder 3 meh pensioniert worde sinn.  

So Santi-Claus jetzt mach ich Schluss
s’isch schliesslig jo scho dunkel duss
du gsesch, dä Club läbt, do het mes guet
drum lüpf ich vor alle Verantwortlige dr Huet  

Du muesch jezt das Johr wieder heim laufe
aber viellicht dien mir no neui Wäge kaufe
denn kasch Du dir viellicht s’nägscht Johr s’Laufe spare
und per 5-Zoll-Bahn zrugg in Schwarzwald fahre.  

Kurzschluss, 12. Dezämber 2014